چکوترے کے حیرت انگیز فوائد

چکوترے کے حیرت انگیز فوائد 

چکوترا ایک انتہائی مفید پھل ہے یہ نوے فیصد سے زیادہ پانی پر مشتمل ہوتا ہے- اس کے علاوہ وٹامن اے اور وٹامن سی سے بھی بھرپور ہوتا ہے-فائبر بھی چکوترے کا لازمی جزو ہے- جو لوگ ڈی ہائیڈ ریشن کا شکار ہو جاتے ہیں ان میں پانی کی کمی پوری کرنے کے لیے چکوترا بہت مفید پھل ہے-اس وقت دنیا میں جو بڑی بڑی بیماریاں عام ہیں ان سب کے لیے چکوترا انتہائی مفید ہے

مانع کینسر 

چکوترا مختلف اقسام کے خطرناک کینسر ،جن میں لبلبے کا کینسر اور آنتوں کا کینسر شامل ہیں، کو روکنے کی انتہائی طاقتور صلاحیت رکھتا ہے -کینسر کو روکنے کے لیے فولک ایسڈ کا کردار کسی سے ڈھکا چھپا نہیں- فولک ایسڈ چکوترے میں لازمی طور پر پایا جاتا ہے- اس کے علاوہ فولک ایسڈ بریسٹ کینسر کو روکنے میں بھی کافی معاون ثابت ہوا ہے

گردے کی پتھری 

چکوترا گردے کی پتھری کو گھلانے کی صلاحیت رکھتا ہے- یہ گردے کی پتھری کی افزائش کو روک دیتا ہے- ایسا اس میں موجود سٹرک ایسڈ کی وجہ سے ہے- سٹرک ایسڈ ذائقہ میں ترش ہوتا ہے

آنکھوں کا موتیا 

وٹامن سی آنکھوں میں موتیا روکنے میں کافی مددگار ثابت ہوا ہے- چونکہ چکوترے میں وٹامن سی کی کافی مقدار پائی جاتی ہے اس لیے چکوترا آنکھوں کے موتیا کو کم کرنے میں مددگار ہے 

دل کا دورہ 

چکوترا خون میں لوتھڑا بننے کے عمل کو کسی حد تک روکتا ہے - اسی لیے چکوترا دل کے دورہ کو روکنے میں بھی کافی مددگار ثابت ہوا ہے