ہیکرز کا بڑا حملہ

ہیکرز کا بڑا حملہ 

ہیکر ز نے دنیا کی معروف آن لائن ڈیٹا سٹوریج کمپنی "ڈراپ باکس" کے اڑسٹھ ملین صارفین کا ڈیٹا چوری کر لیا ہے - چوری شدہ ڈیٹا میں صارفین کے ای میل ایڈریس، پاس ورڈ شامل ہیں جبکہ توقع کی جا رہی ہے ای میل، پاس ورڈ کے علاوہ صارفین کی ویڈیوز، ذاتی تصویریں اور اسی قسم کا ڈیٹا ہیکر ز کے قبضے میں جا چکا ہے- ڈراپ باکس کی پریس ریلیز کے دوران اس بات کا انکشاف کیا گیا ہے کہ چرائے گۓ ڈیٹا میں شاید سن دو ہزار بارہ کے پاس ورڈ ز شامل ہیں

ڈراپ باکس نے اس بارے میں معذرت کی ہے اور اپنے صارفین سے تاکید کی ہے کہ وہ جلد از جلد اپنے پاس ورڈ ز تبدیل کر لیں- تا کہ ہیکرز سے صارفین اپنے حساس ڈیٹا کو بچا سکیں- یوں تو انٹرنیٹ پر بڑی بڑی کمپنیز نے اپنے صارفین کے ڈیٹا کو محفوظ رکھنے کے لیے سیکورٹی چیکس لگاۓ ہوے ہیں اور کمپنی کی طرف سے صارفین کے فون پر با قاعدہ پن کوڈ بھیجا جاتا ہے تا کہ ہیکنگ جیسی وارداتوں سے بچا جا سکے